Oдѕивот за гласање и натаму е најмал во Желино

Општина Желино, каде што има 23.926 лица на избирачкиот список, бележи најмала излезност од сите тетовски општини во сите досегашни часови на евиденција на одѕивот на гласачи. До 15 часот таму гласале 17,58 отсто од граѓаните.

Општина Тетово до 15 часот и понатаму има најголема излезност – 26,03 отсто од 84.454 гласачи на 117 избирачки места. Следуваат Јегуновце со 25,21 отсто и Теарце со 23,77 отсто.

Општина Брвеница бележи 20,98 отсто одѕив на гласачите, додека Боговиње 20,74 проценти.

На претседателските избори во 2019 година излезноста во 15 часот, исто така, била најмала во општина Желино, каде тогаш гласале само 10,06 отсто од граѓаните во избирачкиот список.