Од среда до 29 јули 2020 година влез во Грција преку Промахонас само со негативен тест за Ковид-19
Само со потврда на англиски јазик за негативен тест за Ковид-19, направен 72 часа пред патувањето, од среда до 29 јули ќе биде дозволен влез во Грција преку граничниот премин Промахонас (Кулата), согласно заедничката министерска одлука објавена синоќа во Службен весник на Грција, јави дописничката на МИА од Атина.
Туристите, ќе треба во период од 72 часа пред патувањето да имаат направено молекуларен тест (PCR) во државна или приватна лабораторија, сертифицирана од надлежната служба на земјата, а резултатот да биде негативен.
Во потврдата на англиски јазик, треба да бидат вклучени име и презиме и број на пасош или лична карта.
Одлуката потпишана од министрите за здравство и транспорт и инфраструктура, стапува во сила во среда, на 15 јули 2020 година во една минута по полноќ и ќе важи до 29 јули 2020 година во 00.01 часот и ограничувањата важат за посетителите од земјите што се на листа која грчката Влада ја објави пред помалку од две седмици, а не се однесуваат на грчките државјани.
Освен негативниот тест, од среда, за влез преку Промахонас како и за авионските патувања, туристите, потребно ќе биде и да го имаат пополнето специјалниот образец PLF (Passenger Locator Form), преку интернет страницата https://travel.gov.gr, најдоцна претходниот ден пред патувањето, а не во период од 48 часа како што важеше претходно.
Ново на Сител
-
Протест на вработени во институциите на ЕУ против израелските воени операции во Газа
-
Во Струга до 17 часот излезноста за претседател 23 проценти, за парламентарните избори 35 отсто, во Вевчани над 63 проценти
-
Двајца фаворити на изборите во Бугарија се на американската црна листа
-
Во Куманово за претседателските избори, излезеноста до 17 часот e 37,66, за парламентарните е 44,82 отсто
-
Во Југоистокот продолжува трендот на најголема излезност во Дојран и Гевгелија, најмал во Радовиш
-
Во Штип излезноста до 17 часот е над 48 отсто на двојните избори
-
Излезноста до 17 часот за претседателски избори е 42,32%, за парламентарни 46,93%
-
Пет лица повредени откако од патот излета возило со албански регистрации во Струшко