Од Грција за Франција заминаа 169 баратели на азил

Од Грција за Франција денеска заминаа 169 баратели на азил, по донесената одлука на почетокот на годинава на средбата на надлежните министри од двете земји и изразената намера од француска страна да прими вкупно 400 бегалци.

Алтернативниот министер за миграција и азил на Грција Јоргос Кумуцакос, како што соопштија од Министерството, рекол дека „блиската грчко – француска соработка во пракса се покажува во областа на мигрантското прашање“.