Од 15 декември „Новогодишна потрошувачка кошничка“

Владата вчера и официјално ја најави новата кампања која треба да донесе пониски цени на одредени прехранбени производи за време на новогодишните празници. Како што вчера соопшти премиерот почнувајќи од 15 декемеври договорено е 675 производи да имаат најмалку 10% пониски цени.

Станува збор за договор на Владата и најголемиот дел од производителите и трговците да им се излезе во пресрет на граѓаните за време на новогодишните празници. 

„На рафтовите производите кои се со намалени цени ќе бидат означени, а дополнително преку веб страната mojakosnica.mk граѓаните ќе може да се информираат за производите кои се опфатени од оваа листа. Владата покажа одговорно работење и посветеност кога станува збор за подобар животен стандард. Воедно, листата во следниот период има можност да се проширува и со други производи по ниски цени. Оваа одлука е за поздравување и има за цел секое семејство новогодишните празници да ги помине во пристојни услови.“ – се вели во соопштението на Владата.