Обама вечерва ќе го одржи последниот говор за состојбата на нацијата

Американскиот претседател Барак Обама вечерва пред двата дома на Конгресот ќе го одржи својот последен говор за состојбата на нацијата и ќе ги нагласи приоритетите во последната година од мандатот, од пацифичкиот договор за слободна трговија и строгата контрола на вооружувањето до затворањето на затворот во Гвантанамо.

Говорот, кој ќе започне во 21 часот по локално време (во 3 наутро во среда по средноевропско), ќе биде една од последните прилики на Обама да го привлече вниманието на милиони Американци пред медиумската сцена да ја преземе кандидатот за негов наследник. 

Соработниците на Обама велат дека Обама ќе понуди многу оптимистичка слика на Америка, во споредба со оние кои во изминатата недела ги отсликуваа кандидатите за републиканската претседателска номинација. 

Потпаролот на Белата куќа Џош Ернест нагласи дека „лавината негативности“ која доаѓа од републиканската страна е причина поради која во неодамнешните анкети се покажало дека поголемиот број Американци мислат дека Америка оди во погрешен правец. 

Обама најверојатно, како свои достигнување ќе го нагласи нуклеарниот договор со Иран и подобрувањето на односите меѓу Куба и САД, од Конгресот ќе побара подршка за транс-пацифичкиот договор и затворањето на војниот затвор во Гвантанамо. 

Американскиот претседател ќе говори за војната против Исламската држава, кои републиканците ја сметаат за преблага. 

Бидејќи неодамна најави изврши одредби за строгата контрола на вооружувањето, се очекува дека дел од говорот ќе го посвети на тоа. 

Аналитичари сметаат дека Обама ќе ја искористи приликата за да се „пресмета“ со некои шовинистички изјави за муслиманите на моментално водечкиот републикански кандидат Доналд Трамп.