Обама ќе присуствува на погребот на Шимон Перес
Американскиот претседател Барак Обама ќе присуствува со останатите светски лидери на погребот на поранешниот израелски претседател и добитник на Нобеловата награда за мир Шимон Перес во Ерусалим, соопшти Белата куќа.
Обама ќе ја предводи американската делегација во Ерусалим на погребот на Перес, се додава во соопштението.
Тој би требало денеска да отпатува за Израел и по церемонијата утре да се врати.
Меѓу лидерите, кои ќе присуствуваат на погребот ќе биде и поранешниот американски претседател Бил Клинтон, францускиот претседател Франсоа Оланд, германскот претседател Јоаким Гаук и британскиот принц Чарлс.
Обама оцени дека Перес ја претставувал „самата суштина на Израел и оти никогаш не се откажал од можноста за мир“.
- Мал е бројот на луѓето, со кои го делиме овој свет, кои ја менуваат човечката историја, не само со својата улога во човечките настани, туку и пошироко, влијаат врз нашата морална имагинација и не принудуваат да очекуваме повеќе од себе си. Мојот пријател Шимон беше еден од тие луѓе, истакна Обама.
Поранешниот израелски претседател почина вчера во Тел Авив на 93 годишна возраст. Перес беше во болница по мозочниот удар, кој го претрпе пред две недели.
Ново на Сител
-
Продажните цени на производителите на индустриските производи во март пониски за 1,5 отсто на годишно ниво
-
Посебен режим на сообраќај во недела во Скопје
-
Сообраќајка меѓу три возила во Скопје: Повредени четири лица
-
Град Скопје: Премиерот од Форино кога излегува од дома до Влада ги гаси попатно сите семафори
-
Променливо време со дожд и во наредните денови
-
Претрес во Кочани, пронајден пиштол, приведен насилник
-
Македонија се задолжува 50 милиони евра
-
Џафери: Арсовска да ја искоси тревата во дворот на Владата