Нов спортски центар во Аеродром

Градоначалникот на Општина Аеродром, Ивица Коневски, заедно со министерот за финансии, Кирил Миноски,  на прес-конференција, во вторникот, најавија изградба на Спортски тениски центар покрај кејот на реката Вардар. Спортскиот центар ќе содржи минимум осум тениски терени со што ќе создадат услови за одржување меѓународни натпревари.

 

Тенискиот центар ќе се гради преку јавно приватно партнерство согласно Законот за ЈПП. Инвеститорот, покрај тениските терени ќе треба да изгради и компатибилни содржини, како што се игротека, кафе-бар и канцелариски простор.

 

„Општина Аеродром со изградбата на Спортскиот центар ќе добие уште една спортска содржина, каде ќе доаѓаат афирмирани светски тенисери, а младите ќе имаат можност да вежбаат во соодветни услови за професионален тенис, а некои од нив можеби и ќе прераснат во познати тениски ѕвезди“, изјави градоначалникот Коневски.

 

Тениските терени треба да бидат изградени најдоцна за 24 месеци, додека, пак, за компатибилните содржини рокот е 36 месеци од потпишување на договорот.