Шест медали за пливачите на Бета во Бања Лука

Пливачите на клубот Бета викендот имаа настап на силниот пливачки натпревар „Бања Лука Опен“ кој се одржа во Бања Лука, Босна и Херцеговина од каде успеаја да се вратат со шест медали.

 

На победничкиот подиум се искачија:

 

-Ангеловски Љупчо 50 метри делфин трето место во финале;

-Цветкоски Стефан трето место 50 метри делфин и второ место на 100 метри делфин;

-Милковска Јана прво место 200 метри делфин каде постави и рекорд на митингот во нејзина категорија, второ место 50 метри делфин и трето место 100 метри слободно.

 

Од другите учесници од ПК Бета, Стошиќ Александар успеа да се избори за финале во дисциплините 50 метри слободно и 50 метри грбно, додека Стојаноски Андреј влезе во финале во трката 200 метри слободно.