Во последните четири дена во Медитеранот загинаа најмалку 54 мигранти, а 10.000 се спасени

Крај либискиот брег од средата до саботата беа спасени околу 10.000 мигранти, а најмалку 54 лица, за жал, загинаа во обид да стигнат до Европа по море, соопштија Крајбрежните стражи на Италија и Либија, цитирани од француските медиуми.

Туниската армија вчера спасила 126 мигранти од Субсахарска Африка од брод што тонел крај брегот на Либија. Во петокот над 1.230 мигранти беа качени на либиски бродови и вратени во Триполи и Савија, а 2.200 беа качени на воени и трговски бродови, координирани од италијанската Крајбрежна стража, и однесени кон Италија.

Италијанската Крајбрежна стража вчера соопшти за 10 пронајдени трупови, а во текот предходните денови беше соопштено за уште 44 загинати.