Лавров: Меѓу Русија и САД има взаемно разбирање за решавање на конфликтот во Сирија
Русија и САД имаат взамено разбирање за принципите за решавање на конфликтот во Сирија, но постигнувањето на согласност за нив е полесно отколку нивното спроведување во пракса, изјави рускиот министер за надворешни работи Сергеј Лавров.
Како што јави ТАСС, Лавров истакна дека ситуацијата во Сирија била главна тема на неговите средби со американскиот државен секретар Рекс Тилерсон и претседателот на САД Доналд Трамп, што се одржаа во средата во Вашингтон.
- Станува збор за тоа дека секоја од нашите земји заедно со другите големи играчи во Блискиот Исток, како Турција, Иран, земјите од Персискиот Залив, влијаат врз различни сириски страни, охрабрувајќи ги свесно да се однесуваат кон исполнувањето на резолуцијата на Советот за безбедност на ОН, барајќи преговори, изработка на нов устав и подготовка на избори, нагласи Лавров.
- И по тоа прашање ние со Американците имаме взаемно разбирање, истакна рускиот министер за надворешни работи.
Лавров објасни дека договарањето по принцип за овие работи е полесно од нивното спроведување во пракса, со оглед на тоа дека во Сирија има премногу играчи, пред се самите сириски страни, како Исламската држава и Џебхат ан нусра, и оние кои соработуваат со нив.
Ново на Сител
-
Африм Гаши избран за претседател на Собранието
-
Терзиќ: Во еден натпревар можеме да го победиме Реал
-
Собранието ги верификува мандатите на 118 пратеници
-
Автомобил удрил во велосипедист во Скопје и избегал од местото на несреќата
-
Намален бројот на дипломирани студенти минатата година во однос на 2022 година
-
АХВ: На македонскиот пазар не е пласиран сендвич со шунка контаминиран со листерија
-
Упасени двајцата малолетни хулигани поради претепување и убиство на братот на вицепремиерот на БиХ
-
Во март 79 отсто од потрошената струја од домашни извори