-->
-->
Канте најдобар во Премиер лигата
-->
Фудбалерот на Челзи, Н’Голо Канте, е прогласен за најдобар играч во Премиер лигата на Англија, во тековната сезона, во изборот на Здуржението на професионални фудбалери (ПФА).
Репрезентативецот на Франција, 26-годишниот Канте, престижната награда ја освои во конкуренција на соиграчот Еден Азар, односно напаѓачите од Тотенхем Хари Кејн, Манчестер Јунајтед Златан Ибрахимовиќ, Евертон Ромелу Лукаку и Арсенал Алесис Санчез.
Канте, минатата сезона беше еден од клучните играчи на Лестер во походот на шампионската титула во Премиер лигата, со брилијантната игра продолжи и по доаѓањето во Челзи.
Французинот има можност да стане првиот фудбалер во историјата на Премиер лигата кој во две последовни сезони, со два различни клуба ја освоил титулата. Челзи на пет кола до крајот е лидер во шампионатот, со четири бода повеќе од Тотенхем.
Канте сезонава е најстандардниот во дресот на Челзи, во Премиер лигата не одиграл само еден натпревар, против Борнмут.
Инаку, ПФА, исто како и минатата година за најдобар млад играч го избра фудбалерот на Тотенхем, Деле Али.
На свечената церемонија во Лондон поранешниот капитен на Англија, Дејвид Бекам доби специјална награда од ПФА за придонес кон фудбалот и фудбалската игра.
-->
-->
-->
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера