Хорор: Маж во живо на Фејсбук емитувал убиство

Полицијата во Кливленд трага по маж, за кој постои сомневање дека убил човек и оти злосторството го пренесувал во живо преку Фејсбук. 

Полицијата наведува дека осомничениот подоцна објавил уште една видео снимка на социјалната мрежа, тврдејќи дека убил и други луѓе. 

Наредникот Џенифер Чач изјави дека полицијата досега не потврдила други убиства, освен тоа што се случило во неделата попладне во населбата Гленвил. 

Видео снимката од убиството, кое е објавено на Фејсбук, била на социјалната мрежа околу три часа пред да биде отстранета. 

Чач изјави дека полицијата трага по маж, Стивен Стивенсон и оти смета дека е вооружен и опасен.

Детали за жрвата не се објавени.