Буркина Фасо: Гардата ги притвори привремениот претседател и премиер

Претседателската гарда на Буркина Фасо, што го поддржува сменетиот претседател Блез Компаоре, ги притвори привремениот претседател и премиер, што претставува опасност од државен удар само неколку недели пред претседателските избори.

Претседателот Мишел Кафандо и премиерот Ајзак Зида се приведени на состанок на државниот кабинет во претседателската палата во Уагадугу, пренесува Би-Би-Си.

Пред неколку дена државната комисија предложи претседателската гарда да биде расформирана.

 Во октомври 2014 година во главниот град на Буркина Фасо дојде до насилни улични протести, во кои е запален и парламентот, а немирите резултираа со смена на долгогодишниот претседател Компаоре.