ВРЕМЕТО СЕ МЕНУВА! Еве што прогнозираат синоптичарите за наредниве денови...

Утре ќе преовладува променливо облачно време од пладневните часови со повремени врнежи од дожд проследени со ретки грмежи. Кон крајот на денот и во текот на ноќта на планините со повремен снег. Преку денот ќе дува и умерен, а во западните делови повремено засилен западен ветер кој кон вечерните ќасови ќе преминува во постуден северен ветер кој ќе се задржи и преку ноќта. Дневната температура ќе се движи од 11 до 23 степени.

Од понеделник температурите позначително ќе опаднат, ќе има и повремени врнежи од дожд претежно во југозападните и јужните делови, а на планините и на некои повисоки места врнежите ќе бидат од снег.

Потоа ќе преовладува стабилно време со ниски утрински температури (во средината на неделата од -2 до 4 степени), а дневните ќе бидат во постепен пораст.