Спомен парк на Никола Карев ќе се гради во кочанско Свиланово

Општина Кочани ќе започне со реализација на проект за  изградба на спомен парк на Никола Карев во месноста Свиланово, како трајно обележје и спомен на херојската борба и загинувањето на Карев на 27 април 1905 година.

Градоначалникот на Кочани Ратко Димитровски денеска ја најави реализацијата на овој проект, истакнувајки дека  на почетокот на месец мај ќе се започне со градежните работи за реализација на овој комплекс.

- Вредноста на овој проект, кој има регионален карактер и ќе се гради во соработка со општините Чешиново Облешево и Пробиштип, изнесува 5 милиони и 700 илјади денари средства обезбедени од Бирото за рамномерен регионален развој, истакна Димитровски.