Романските полицајци протестираат за поголеми плати

Романските полицајци утринава излегоа на протест пред зградата на Министерството за внатрешни работи со барањето за повисоки плати, информира весникот „Романиа либера“.

Меѓу барањата на демонстрантите е и намалување на големите разлики во платите на агентите и офицерите, дополни весникот.

Демонстрантите носат транспаренти со натписите „Ние сме затвореници на вашата некомпетентност“ и „Обединети ќе бидеме посилни“.

Од националниот синдикат на полицајци очекуваат во протестот да се вклучат околу 2.000 нивни колеги од Букурешт и другите окрузи во Романија.