Европски суд: Членките на ЕУ не се обврзани да им даваат визи на бегалците
Највисокиот суд во ЕУ, Европскиот суд на правдата денеска оцени дека земјите членки на Унијата не се обврзани да им одобруваат хуманитарни визи на лица кои сакаат да влезат на нивна територија со цел да поднесат барања за азил.
Трибуналот решаваше по жалба на одлуката на еден белгиски суд од октомври минатата година, со која се бара Владата на Белгија да им даде хуманитрана виза на членовите на едно семејство по потекло од Сирија.
Европскиот суд на правдата во својата пресуда оцени дека „овозможувањето на лицата да изберат каде ќе добијат меѓународна заштита би го поткопало системот на ЕУ, кој одредува која држава би требала да се занимава со барањата за азил“.
Судот, чие седиште е во Луксмебург, смета дека секоја земја членка на ЕУ е слободна да решава за давањето визи врз основа на националното законодавство.
Белгиската Влада поднесе жалба на претходната судска одлука тврдејќи дека стравува оти давањето визи на сириското семејство би можел да поттикне прилив на бегалци во земјата, кои потоа би барале азил.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228