Двајца млади британски лекари убиени во Ирак како џихадисти на ИД
Двајца млади британски лекари од муслиманска вероисповест се убиени во Ирак, како припадници џихадистичката организација Исламска држава (ИД), јавија лондонските медиуми.
Двајцата лекари загинале во борбите во околината на Мосул, при офанзивата на ирачката армија за ослободувањето на овој втор по големина град во Ирак.
Британските џихадисти загинале при обидот конвој со џихадисти да се извлече од градот на територија што е под контрола на ИД.
Едниот од нив е од Лондон и е син на британски лекар од суданско потекло, додека другиот е од англиската област Нотингемшир.
Двајцата почнале да студираат во Велика Британија, а потоа се префрлиле на Универзитетот во Картум во Судан, каде и дипломирале, што е пракса на многу Британци кои потекнуваат од оваа африканска муслиманска земја.
Од таму тие заминале во Сирија, а потоа и во Ирак за да се борат на страната на џихадистите.
Едниот од нив се појави и во пропагандно видео на ИД во кое повикуваше други млади муслимани од Велика Британија и од другите земји, наместо да живеат мирно на Западот, да дојдат на фронтот и да се борат со другите џихадисти за исламската кауза.
Според британски безбедносни извори, на кои се повикуваат медиумите во Лондон, од Велика Британија во редовите на ИД се приклучиле околу 800 млади радикализирани муслимани.
Половнта од нив се верува дека се вратени во земјата и сега се сметаат како потенцијална закана за британската безбедност.
За 15 отсто од оние кои заминале да борат во редовите на ИД се претпоставува дека се убиени.
Ново на Сител
-
Во ЗОО Скопје се роди двогрба камила
-
Тешко повреден малолетник во сообраќајка на патот Охрид-Ресен
-
Над 157.000 Грци се пријавиле за поштенско гласање на евроизборите
-
СПМ повикува на масовна излезност на 8 мај, за иднина и стабилност на државата
-
Уапсени и осудени двајца државјани на Македонија за внесување фалсификувани бланко документи во Грција
-
Александар Николовски од УКИМ избран за претседавач на Националното студентско тело
-
Русија: Убиени пет напаѓачи и двајца полицајци во Република Карачај-Черкезија
-
WhatsApp воведува нова корисна промена