Во недела ќе се трча на Газибаба

Седмата традиционална атлетска трка Гази Баба ќе се одржи на 5.март во недела на трим патеката во „Парк шумата Гази Баба“. Трката е од отворен карактер за сите атлетски клубови, активни атлетичари, рекреативци, љубители на трчањето во природа, од нашата земја, како и надвор од нашите граници. Сите пријавени натпреварувачи добиваат: стартен број со чип; уникатно дизајниран финишер медал; on-line резултати не подоцна од 2 часа по трката; диплома во електронска верзија на вашиот меил; освежување за време и по трката; во здраво тело, здрав дух и многу забава. Патеката е прегледна, обележана околу целиот круг, пропратена со благи нагорнини и надолнини во нејзиниот тек, тревната, земјена површина и чакал, која е погодна за трчање со атлетски патики или со спринтерици.

Должината на патеката кај мажите изнесува 8 километри, а кај жените 5 километри. Патеката е кружна, еден круг е околу  1.300 метри и се трчаат кругови колку што е должината на трките. Организатор на трката е клубот Ендјуранс, а досега се имаат пријавено околу 150 натпреварувачи. 

Вечерва на полноќ завршува рокот за пријавување, а ова е интернет адресата на која можете да се пријавите www.smartrace.club.