Европската комисија го почитува резултатот од референдумот во Грција

Европската комисија го зема предвид и го почитува резултатот од референдумот во Грција, јави дописникот на МИА од Брисел.

 

Во соопштението лиферувано синоќа од неформалната Влада на Европската унија, а по силното „не“ на грчкиот народ искажан на референдумот за прифаќање на мерките за штедење од меѓународните кредитори, се наведува и дека претседателот Жан-Клод Јункер, синоќа и во текот на утрешниот ден ќе се консултира со демократски избраните водачи на другите 18 земји-членки на еврозоната, како и со раководителите на институциите на ЕУ.

 

- Во понеделник наутро, тој ќе оствари конференциска врска меѓу

 

"Евро-институциите" (со претседателот на Евро-Самитот, со претседателот на Еврогрупата и со претседателот на Европската централна банка). Јункер има намера да се обрати на Европскиот парламент во Стразбур во вторник, наведува Еврокомисијата во соопштението.

 

Неуспехот на референдумот во Грција е силен удар за самата Комисија и за сите ЕУ-институции, со оглед на тоа што лично Јункер и другите високи претставници на ЕУ се вклучија во кампањата за референдумот во Грција, барајќи Грците да кажат „да“ на мерките за штедење и реформите, што не се случи.