Попоски во Луксембург на состанок на ЕУ за мигрантската криза

Министерот за надворешни работи Никола Попоски на покана на високиот претставник на ЕУ за надворешни работи и безбедносна политика Федерика Могерини и неговиот колега од Луксембург Жан Аселборн, денеска во Луксембург, ќе учествува на неформалниот состанок на шефовите на дипломатиите на земјите-членки на ЕУ и земјите-кандидати за членство - Македонија, Албанија, Црна Гора, Србија и Турција. 

Како што соопшти МНР, дискусиите на состанокот, кој почна вчера, се фокусирани на актуелната миграциска криза, која потекнува од земјите од јужното соседство на ЕУ, како и нејзиното менаџирање од страна на земјите-кандидати кои се соочени со масовен наплив на илегални мигранти.

На маргините на состанокот, предвидено е министерот Попоски да оствари билатерални средби со своите колеги од земјите-членки на ЕУ.