Голема полициска акција - уапсени 50 лица поради криумчарење со дрога

Австриската полиција уапсила 50 лица и запленила дрога, со што е прекинат ланец за криумчарење со наркотици.

Австриската полиција наведе дека меѓу уапсените се 10 лица кои се осомничени за увезување на дрога во Виена од Холандија, Нигерија и Камерун, како и три лица кои се осомничени за организација, а биле екстрадирани од Холандија во Австрија. 

Меѓу уапсените се и две лица кои признале дека ограбиле банка во Австрија. 

По тригодишната истрага, австриската полиција запленила 17 килограми кокаин, четири килограми хероин, како и марихуана и амфитамини во вредност од околу 100.000 евра. 

Австриската полиција додаде дека се пронајдени докази оти тој ланец досега извршил криумчарење на околу 56 килограми хероин и кокаин, чија улична вредност е најмалку шест милиони евра. см/ 21:17