Русија ќе и исплати 125 милиони долари на БиХ

Рускиот премиер Дмитриј Медведев потпишал указ, според кој Русија треба да и плати 125 милиони долари на Република Босна и Херцеговина како дел од долгот на СССР кон СФР Југославија, јави ТАСС.

Соопштението, заедно со правните детали, денеска е прикачено на официјалната интернет страница за правни информации.

БиХ, од своја страна, се обврза добиените пари да ги распредели на следниот начин: на Федерацијата Босна и Херцеговина ќе и припаднат 58 отсто, на Република Српска - 29 отсто, 3 отсто на округот Брчко, а за потребите на државните врховни органи на власта - 10 отсто.