Лавров: Ова не е Европа каква сите посакуваме
Рускиот министер за надворешни работи сергеј Лавров изјави денеска дека европскиот безбедносен систем и натаму се распаѓа и оти тоа не е „Европа каква сите посакуваме“.
На министерскиот совет на ОБСЕ во Хамбург, Лавров истакна дека ситуацијата во Европа и натаму е нестабилна, пренесува ТАСС.
- Основата на воено-политичката безбедност на Европа и натаму се распаѓа и расте бројот на терористичките напади. Дипломатијата и обострано корисните врски се заменети со ултиматуми и двојни стандарди, кои вршат едностран притисок и присила, истакна Лавров.
Според него, непристрасна анализа на воените потенцијали во Европа врзана е за уривање на митот за Русија како опасност.
- Треба да се разгледа мапата на континентот и заедно да видиме што и каде е распоредено. Убедени сме во резултатите на таквото истражување, кое би го урнало митот за опасноста од Русија и графички би се прикажале вистинските ризици, објасни Лавров.
Тој оцени дека ситуацијата не е така безнадежна и оти би требало да се отфрли „борбената реторика“, која и натаму постои.
- Ако сакате разговор со некого, не би требало и натаму да го обвинувате и да барате дијалог што би се одржал само под ваши услови, рече шефот на руската дипломатија.
Ново на Сител
-
Силно невреме ја зафати Словенија
-
МВР: Се преземаат дополнителни мерки за расчистување на случајот со отстранувањето на македонското знаме од Кораб
-
Албански планинари го отстранија македонското и го закачија албанското знаме на Кораб | ВИДЕО
-
Стано: Цел на дијалогот Белград-Приштина е нормализација на меѓусебните односи
-
МНР: Македонскиот амбасадор во Албанија, Данчо Марковски е веќе повикан на консултации
-
Од полноќ бензинот ЕУРОСУПЕР БС-95 поскап за половина денар
-
Муцунски се сретна со унгарскиот амбасадор Клаин
-
Аврамовска Мадиќ: Пристигнат само еден приговор, волјата на членовите на СДСМ е јасно и недвосмислено изразена