НАТО повика на продолжување на економските санкции за Русија

Генералниот секретар на НАТО Јанс Столтенберг повика денеска на продолжување на  економските санкиции против Русија, воведени од страна на ЕУ поради случувањата во Украина и анексијата на Крим. 

- Државите од Алијансата не го признаваат и нема да го признаат незаконското присоединување на Крим кон Русија, посочи Стлтенберг. 

- Ситуацијата со безбедноста во Украина стана сериозна во текот на последниот месец, каде има масовни прекршувања на примирјето, додаде тој. 

- Ги повикувам сите да ги удвојат напорите за целосна имплементација на договорот од Минск, заради постигнување на целосно примирје, додаде генералниот секретар на НАТО.

Столтенберг наведе дека сите во НАТО имаат мислење оти дијалогот со Русија не е знак на слабост, а цели предвидливост со најголемиот сосед.