Русија од денеска ќе претседава со Советот за безбедност на ОН
Војната против тероризмот и актуелните судири на Блискиот исток и во Северна Африка се теми кои ќе и бидат приоритет на Русија за време на нејзиното претседавање со Советот за безбедност на ОН, кое го презема денеска.
Рускиот министер за надворешни работи, Сергеј Лавров на 30 септември ќе организира министерски состанок, на кој ќе се расправа за овие и останати теми во рамки на 70. седница на Генералното собрание на ОН, која почнува на 15 септември. Се очекува ОН да го продолжи мандатот на својата мировна мисија во Либија, кои истекува на 15 септември. Исто така, на дневен ред ќе биде и граѓанската војна во Сирија и меѓународната истрага за тврдењата околу користење хемиско оружје во оваа земја.
Советот за безбедност, исто така, ќе ја разгледа и ситуацијата на Блискиот исток и неодамнешните случувања на Голанската висорамнина.
Членките на СБ на ОН ќе ја надгледуваат работата на Регионалниот центар на ОН за превентивна дипломатија во централна Азија.
Ситуацијата во Авганистан, Либерија и Судан, исто така, ќе бидат предмет на расправа.
Претседавањето со Советот за безбедност ротира секој месец меѓу 15-те земји-членки. Следен претседавач, од 1 октомври, ќе биде Шпанија.
Ново на Сител
-
Златен џебен часовник од „Титаник“ продаден за рекордни 1,2 милиони фунти
-
Пронајдено безживотно тело на 26 годишна девојка во куќа во Штип
-
Лазаров го објави списокот на ракометари за собирот пред средбите со Фарски Острови
-
Силва го напушта Челси на крајот од сезоната
-
Партиите и коалициите продолжуваат со промоција на своите политички понуди на терен
-
125 санкционирани возачи во Скопје
-
Најмалку тројца полицајци убиени во престрелка во Северна Каролина
-
На полноќ истекува рокот за пријавување на болните и изнемоштените за гласање на изборите на 8 мај