ОН: Прекинете ги борбите во источно Алепо пред да се претвори во масовна гробница

Источниот дел на сирискиот град Алепо може да стане една „голема гробница“, ако борбите не престанат и ако не се овозможи пристап за хуманитарните тимови за доставување помош, изјави координаторот за хуманитарни операции при Обединетите Нации, Стивен О’Брајан.
Итната седница на Советот за безбедност на ОН што се одржа вчера на иницијатива на Франција, сепак не донесе никаков резултат. Петнаесетте амбасадори заклучија дека се немоќни ништо да сторат, а одговорноста за тоа ја лоцираа кај Русија.
- Од саботата, Алепо го напуштиле 25.000 луѓе, Најверојатно ќе има уште илјадници бегалци, доколку фронтот се прошири, додаде О’Брајан, кој притоа нагласи дека само во вчерашниот воздушен напад загинале десетици лица.
- Ги повикуваме засегнатите страни, да направат се за да се заштитат цивилите и да се овозможи пристап до источно Алепо, пред тој реон да се претвори во една голема гробница, истакна тој.
Како одговор на сето тоа, американскиот, францускиот и британскиот амбасадор во Советот ја обвинија Русија дека го попречува изнаоѓањето решение.
Рускиот амбасадор Виталиј Чуркин пак, ја нагласи „потребата од продолжување со противтерористичките операции“, обвинувајќи ги САД дека не прифатиле да се дефинира разликата и „да се одвојат умерените борци од терористите на Фронт ал Нусра“.
- Западот сака да ги спаси терористите и да ги искористи хуманитарните прблеми за политички цели, рече Чуркин.
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
