Отказ за Клинсман

Јирген Клинсман повеќе не е селектор на репрезентацијата на САД, откако поради двата порази во квалификациите за пласман на Мундијалот Фудбалската федерација на оваа земја реши да му врачи отказ.

 

Јирген Клинсман со САД, главната фаза во КОНКАКАФ зоната за пласман на Мундијалот, ја започна со два порази, поради Федерацијата му врачи отказ.

 

САД на стартот од квалификациите загуби од Мексико и Костарика со што го компромитира својот пласман на СП во Русија. Во оваа квалификациска фаза во КОНКАКАФ зоната учествуваат шест репрезентации, првите три ќе изборат директен пласман на Мундијалот, а четвртопласираната репрезентација ќе игра бараж против петтопласираната селекција од азиските квалификации.

 

Инаку, САД во минатото коло загубија од Костарика 0-4, што преставува најтежок пораз на оваа репрезентација во последните 36 години.

 

„Тешко беше да се донесе оваа одлука. Сакаме на Клинсман да му се заблагодариме за напорната работа и посветеноста кон националниот тим во изминатите пет години. Свесни сме за некои историски победи кои ги оствари и за успехот во 2014 кога во Бразил ја минавме „групата на смртта“. Не предизвика сите нас во фудбалската заедница да почнеме да размислуваме на вистински начин. Му благодариме што допринесе за развојот на нашата организација“, соопшти Фудбалската федерација на САД.