ЕУ ќе ги разгледа односите со Турција

Министрите за надворешни работи на Европската унија ќе ги разгледаат денеска односите со Турција откако минатата недела Унијата ја осуди силно кампањата на Владата против медиуми и опозицијата, но се воздржа да ги замрзне преговорите за членство, јави ДПА.

Дискусијата е по месеци на тензии меѓу Анкара и Брисел, по акциите на претседателот Ердоган како одговор за неуспешниот преврат во јули. Десетици илјади луѓе беа приведени или отпуштени од работа по воведувањето вонредна состојба во државата по обидот за пуч.

Минатата недела ЕУ остро ја предупреди Турција дека отстапува од клучните принципи како владеење на правото и законите. Турција е кандидат за членство во ЕУ од 1999 година.