Путин: Руската војска никому не му се заканува

Рускиот претседател Владимир Путин денеска повторно изрази изненадување заради бурните реакции на западните партнери на воените вежби на руската војска и уште еднаш порача дека Русија никому не му се заканува.
-Нашата војска никому не му се заканува. Тоа сакам уште еднаш да го нагласам за сите да го слушнат, не само вие кои овде седите, рече Путин во разговор со вработени на компанијата „Аутодизел“ во Јарославск.
Како што кажа, руската војска стана модерна и многу ефикасна.
-Неколки пати се зголеми бројот на тренинзи, вежби, вклучувајќи и ненајавени проверки, што од време на време од некоја причина ги загрижуваат нашите партнери, така да ги наречам. Кога тие одржуваат некои вежби ние не се грижиме, но од некоја причина тие веднаш стануваат нервозни, рече шефот на руската држава, пренесуваат руските медиуми.
Путин додаде дека „во Русија денеска продолжува реализацијата на програмата за развој на војската“.
-Војската мора да биде компактна и многу ефикасна и затоа ќе ги продолжиме и структурната реформа и оптимизацијата на бројноста, без некои големи отпуштања, рече Путин.
Ново на Сител
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
-

Се подготвуваат законски измени за повратот на ДДВ за компаниите, ќе се прецизираат роковите
