Киријакос Мицотакис: Само избори се излез од кризата во Грција

Лидерот на најголемата грчка опозициска партија Нова демократија, Киријакос Мицотакис денеска се сретна со грчкиот претседател, Прокопис Павлопулос, при што изрази загриженост за ситуацијата во Грција.

- Му ја потврдив мојата голема загриженост на претседателот на Републиката. Овие проблеми не се поврзани само со економската криза, туку и со насилното уривање на демократските институции, изјави тој.

Како што јави дописникот на МИА од Атина, Мицотакис, исто така, истакна дека само избори се решение за излез на Грција од кризата.