Меркел: ЕУ мора да даде поддршка за надежта и иднината на регионот

Германската канцеларка Ангела Меркел денеска изрази задоволство од динамичната соработка во регионот на Западен Балкан, нагласувајќи дека ЕУ  мора да даде поддршка за надежта и иднината на регионот, што веќе и го прави. 

Меркел, на конференција за новинари по завршување на Самитот за Западен Балкан, истакна дека премиерите на земјите од регионот, без присуство на австрискиот и германскиот канцелар, како и претставник на Европската комисија, имале средба и разговарале за проблемите. 

- Благодарение на тоа сега имаме низа резултати, како што е денешното потпушување на договорот за размена на млади. Мораме да ја поддржиме надежта и иднината на регионот, а тоа ЕУ веќе го прави, истакна Меркел.