Доделени 219 решенија за парична помош за родители на новороденчиња во Ѓорче Петров

Решенија за еднократна парична помош во висина од 5.000 денари им се доделени на сите родители кои имаат новороденче и се жители на општина Ѓорче Петров.

Од Општината соопштија дека заклучно со 19 октомври 2016 година донесени се 219 решенија и среќните родители веќе ја добиле паричната помош.

Одлуката за еднократна парична помош на почетокот од тековнава година ја донеле советниците од општина Ѓорче Петров.

Право на паричен надоместок, без исклучок, имаат сите оние кои според податоците во личните документи се жители на Ѓорче Петров. Пет барања се одбиени затоа што поднесителите на барањата, според поднесените потребни документи, не се жители на општината, стои во соопштението.