Реконструкција на подови во Здравствен Дом Куманово
Во тек е санацијата на подовите во централната зграда на Здравствен Дом Куманово, соопштија, денеска надлежните од јавната установа. Санацијата се спроведува со сопствени средства во висина од 463.740 илјади денари.
Реконструкцијата на подовите се спроведува поради дотраеност, информираше директорот Миомир Панковски. Додаде дека подовите не биле заменети последниве 40 години.
-Со реконструкцијата на подовите ќе се овозможат подобри хигиенски услови за работа на вработените во централната зграда, истакна Панковски.
Реконструкцијата се очекува да заврши до крајот на септември. Оваа е четврта реконструкција на одделните згради кои се под надлежност на установата. Во текот на изминатите месеци беше извршена комплетна санација на санитарните јазли во речиси сите згради со кои располага Здравствениот Дом. За комплетно реновирање на санитарните јазли во поликлиниките „Тоде Мендол“, „Перо Чичо“, „Гоце Делчев“, како и во просториите на Итна Помош, одвоени се милион 33 илјади 491 денар, сопствени средства.
За санација на санитарните јазли во школскиот диспанзер во Куманово, Здравствен дом одвои 132.159 илјади денари а завршена е и реконструкцијата на кровната конструкција во поликлиниката во „Перо Чичо“, за што се одвоени 718.620 илјади денери.
Со реконструкцијата, објаснија надлежните, се подобруваат условите за работа на вработените, но и хигиенските услови за пациентите од Куманово.
Ново на Сител
-
Од четврток локални врнежи од дожд
-
Википедија на македонски јазик достигна 150 000 статии
-
Споделувањето храна, особено слатки, ја зајакнува емоционалната врска
-
Нептун Македонија со 430.000 денари донирани на СОС Детско Село - Благодарност до клиентите за поддршката
-
Науката потврди: Појадокот со додадени ореви е полезен за мозокот и умствените способности
-
Украинскиот парламент усвои резолуција со која се потврдува легитимноста на Зеленски
-
Владата ги отфрли како шпекулации и неточни наводите на СДСМ и ДУИ за работата на МЖСПП
-
Дебранец узурпирал земјиште и противправно се стекнал со имотна корист од над четири милиони денари