Обама прогласи вонредна состојба во Јужна Каролина
Американскиот претседател Барак Обама прогласи вонредна состојба во Јужна Каролина, кон која се приближува ураганот „Метју.
Обама издаде наредба за доставување федерална помош како поддршка на државните и локалните напори, давајќи им со тоа овластување на Министерството за национална безбедност и Федералната агенција за управување со вонредни состојби да ги координираат напорите за ублажување и отстранување на последниците од катастрофата.
Американскиот претседател претходно во четвртокот прогласи вонредна состојба на Флорида поради приближување на „Метју“.
Властите на американските држави Флорида и Џорџија наредија евакуација на најмалку два милиона луѓе поради опасноста од „Метју“, кој претходно ги погоди Карибите.
Властите на Хаити во меѓувреме соопштија дека билансот жртвите на ураганот, кој претходно оваа недела мина преку Хаити, достигнал 339 лица.
„Метју“ е на четвртиот степен на петстепената Сафир Симпсонова скала за моќноста на ураганите. Ветровите се со брзина од 215 километри на час. Тоа е првиот моќен ураган, кој се очекува да ги погоди САД директно во период од повеќе од една деценија.
Според американскиот Центар за урагани ова може да биде најмоќната природна непогода, која ќе го погоди североисточниот дел на Флорида во изминатите 118 години.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата