Изградени пешачка патека и тротоар во Хиподром

Општина Гази Баба изгради пешачка патека со павер елементи помеѓу зградите до влезот на зграда бр.111 од десната страна на улица „Никола Киров Мајски" која води кон улицата „Благоја Стефковски" и тротоар со павер елементи во населбата Хиподром.

Како што информира Општина Гази Баба, пешачката патеката е со должина од 60м и со ширина од 1,20м а тротоарот е со должина од 140м и со ширина од околу 1,20м.

Од Буџетот на општина Гази Баба за пешачката патека се издвоени околу 123,000 денари, а за тротоарот 171,000 денари.

Фирмата која ги изведуваше работите е ЈУ-Бај2 од Скопје.