Времето денес сончево со мала до умерена облачност

Времето денес претпладне во Македонија ќе биде претежно сончево, а во попладневните часови со мала до умерена облачност. Ќе дува ветер од северозападен правец.

Утринската температура ќе се движи од еден до девет, а дневната од 18 до 25 степени.

Во Скопје слично време, претежно сончево со слаб до умерен северозападен ветер. Утринската температура ќе се спушти до пет, а дневната ќе се искачи до 23 степени.

Во наредните денови ќе преовладува сончево време со мала до умерена локална облачност. Утрата ќе бидат доста свежи, наместа се очекува утринската температурата да се спушти до нула особено во Беровскиот регион, а преку денот температурата ќе биде во постепено покачување.