Половина милион одбиени баратели на азил живеат во Германија
Над 500 илјади мигранти чиишто барања за азил се одбиени од германските власти се уште живеат во Германија.
Три четвртини од одбиените во земјата живеат повеќе од шест години, се вели во извештајот на Федералната влада во Берлин, подготвен на барање на парламентарната група на партијата „Левица“.
Најголем де од нив се од Турција, (77,600), по што следат Косово (68,549) и Србија со 50,817 одбиени баратели на азил. Косово и Србија според германските институции се сметаат за „безбедни држави“ чии граѓани освен во исклучителни ситуации не можат да добијат азил.
Според извештајот половината од одбиените баратели на азил имаат неограничена дозвола за престој, јавува дописникот на МИА од Берлин.
Германските медиуми јавуваат дека во Германија има 168.212 луѓе кои имаат статус на „толерирани лица“, од кои 100 илјади се со одбиени апликации за азил. Околу 37 илјади луѓе во земјата остануваат затоа што немаат патни исправи.
Голем дел од одбиените баратели на азил во Германија остануваат врз основа на забрана за депортација доколку се соочуваат со конкретна лична или општа опасност во матичната земја, се болни или во татковината не можат да добијат соодветно лекување.
Ново на Сител
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња
-
Турција: Офанзивата во Рафа е уште едно воено злосторство на Израел
-
Германија поради европското фудбалско првенство воведува контроли на сите граници
-
Курти: Србија пропагира за насилство врз Србите во Косово, а фактите го кажуваат спротивното