Нов закон: Се укинува ДДВ-то за уметници и спортисти во Индонезија

Индонезиската Влада денеска одлучи да го укине ДДВ-то на сите манифестации на кои учествуваат, или ги организираат, уметници и спортисти. За 19 отсто од сега во оваа 256 милионска држава ќе бидат помали давачките за осум категории на уметнички и спортски манифестации.

Данок на додадена вредност нема да плаќаат организаторите на забава на музички концерти, фолклорни и модерни играорни претстави, модни ревии, натпреварите за избор на убавица, циркуски претстави, ноќните клубови, караоке собиралиштата, дискотеките и овде популарните маѓионичарски претстави. Од ДДВ се ослободени и претпријатијата за прикажување на филмови.

Министерството за финанси ги ослободува од ДДВ сите приходи од спортските манифестации, вклучувајќи ги тука и коњските и авто-мото трки.

Портпаролот на ова Министерство соопшти дека одлуката стапува на сила 30 дена по објавувањето, додавајќи дека државата свесно се откажува од добар дел на приходите во буџетот со цел да овозможи повеќе уживање и забава на граѓаните.