Поповски: Ги „потрошивме“ грешките против Турново

Спортскиот директор на ФК Работнички, Иван Поповски исто така присуствуваше на прес конференцијата пред утрешниот бараж дуел од Лига Европа со Рубин Казан.

Поповски е убеден дека славните денови на ФК Работнички допрва доаѓаат и дека играчите се супер мотивирани : „ Фудбалерите ќе бидат наградени онолку колку заслужуваат“- рече Поповски.

Тој се осврна и на играта и реномето на рускиот тим:

„ Рубин Казан е тим со големо искуство во Лигата на шампионите, играл против големи клубови како Барселона и други. Ги респектираме максимално но ние ќе се обидеме да направиме уште еден подвиг и да оствариме историски пласман во групната фаза“.

Спортскиот директор ја прокоментира и играта на Работнички во последното коло од домашното првенство против Хоризонт Турново:

- Точно е дека направивме неколку грешки во одбраната но тоа е минато. Тоа е друг тип на натпревар. Овојпат против Турново грешките ги потрошивме и тие се надевам нема да се повторат против Рубин“.

Натпреварот се игра утре, четврток во 20ч на Филип Втори.