На Твитер затворени 360.000 налози поради „промоција на тероризам

Компанијата Твитер соопшти дека од средината на минатата година затворила 360.000 налози поврзани со „промоција на тероризам“. Таа социјална мрежа додава дека укинала 235.000 налози од февруари.

- Потегот придонесе за значителни резултати во сузбивање на тероризам, соопшти компанијата од Сан Франциско.

Твитер беше под притисок да постигне баланс меѓу заштитата на слободата на говор и потребата на терористички групи да не им се даде простор за ширење пораки и регрутирање приврзаници.