Јавна анкета за урбанистичките планови за Стар Дојран и Сретеново

Градоначалникот на општина Дојран, Борче Стамов донесе решение во периодот до 13. август да се спроведе јавната анкета за донесување на урбанистичките планови за Стар Дојран и Сретеново.

Урбанистичките планови до наведениот термин,како што посочија од општината, се изложени на јавни места на огласната табла во зградата на локалната самоуправа во Стар Дојран, на излогот на маркетот „Македонија“ во Стар Дојран и на излогот на маркетот „Виа Трејд“ во Сретеново.

Заинтересираните физички и правни лица,од подрачјата опфатени со плановите ,на располагање имаат четиринаесет работни денови преку анкетни листови кои се добиваат во општина Дојран да ги достават своите писмени забелешки,предлози и мислења по однос на содржините на урбанистичките документи.

Јавната презентација на урбанистичките планови за Стар Дојран и Сретеново ќе се изврши на 15. август во просториите на општина Дојран со почеток во 12 часот.