Владата и бунтовниците во Јемен ги обновија преговорите

Јеменската Влада се врати на преговарачката маса во Кувајт со шиитските бунтовници Хути и покрај заканите дека ќе го бојкотира процесот. 

Двете страни ги обновија преговорите со посредство на Обединетите нации синоќа по речиси двонеделен прекин.

Досегашните преговори не успеаја да ги приближат позициите на меѓународно признатата Влада, која е поддржана и од Саудиска Арабија, на претседателот во егзил Абд Рабо Мансур Хади и бунтовниците, кои кон крајот на 2014 година го зазедоа јеменскиот главен град.

Делегацијата на Хади инсистира на применување на резолуцијата на Советот за безбедност на ОН, со која се бара повлекување на милициите од сите градови. Хутите бараат поделба на власта во преодна влада.