Подгорица: Црна Гора не води антируска политика
Црногорската Влада денеска ги отфрли како неосновани тврдењата на портпаролката на руското Министерство за надворешни работи, Марија Захарова дека Подгорица води антируска политика и дека премиерот Мило Ѓукановиќ „намерно се обидува да ги уништи односите со Русија“.
Подгорица реагираше на денешната изјава на Захарова во која таа им порача на црногорските власти дека „сносат целосна одговорност за своите антируски ставови“.
- Премиерот Ѓукановиќ отворено и експлицидно го предводи трендот на намерно уривање на традиционалните пријателски односи меѓу двете земји, изјави Захарова, додавајќи дека Русија ја увидела одговорноста на црногорскиот премиер за „антирускиот правец на Црна Гора“.
Во својата реакција црногорската Влада оценува дека изјавите на Захарова се „недипломатски“ и дека нејзините обвинувања се „неосновани“.
- Напротив Црна Гора се обидува да ги подобри односите и тоа не само со зборови туку и со дела. За тоа говори и одлуката на Владата на Црна Гора за продолжување на безвизниот режим за граѓаните на Русија од 30 на 90 дена, се истакнува во соопштението.
Натаму црногорската Влада додава дека со ваквите изјави Москва се обидува да ја натера Подгорица да ја почитува желбата на руските власти, а не Уставот на Црна Гора.
Денешната изјава на Захарова претставува реакција на последните оценки на Ѓукановиќ во врска со политиката на Москва кон балканскиот регион. Ѓукановиќ во интервју за порталот „ЕУ Обсервер“ ја предупреди ЕУ дека постои опасност од „руска закана“ за Западниот Балкан.
- ЕУ треба да престане да зборува за заслуги во врска со проширувањето и да спроведе построга регионална стратегија во однос на рускиот ривал, почара Ѓукановиќ во интервјуто.
Ново на Сител
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот
-
Малолетник претепан од три лица во Гази Баба