Кошаркарите уште еднаш подобри од Израел

Македонската кошаркарска репрезентација ја забележа и третата победа во низа во пријателските мечеви пред Евробаскетот 2015. Денеска „црвено-жолтите“ по втор пат играа против Израел и повторно победија со резултат 69-64.

 

Слично како и на првиот натпревар одигран во Охрид, гостите беа подобари само во воведните минути кога поведоа со 2:8. Македонската селекција, набрзо потоа го сврте резултатот во своја корист и го контролираше до самиот крај.

 

Првата четвртина заврши со водство на Македонија од 24-17, а предноста на полувреме беше двоцифрена 46-33.

 

Во последните десет минути гостите повторно заиграа поангажирано, намалувајќи го нашето водство на 65-60, но Македонија не дозволи изненадување и мечот заврши со конечни 69-64.

 

Предраг Самарџиски со 13 поени беше најпрецизен во македонската репрезентација, а Војдан Стојановски втор со 12 поени.

 

Македонската кошаркарска репрезентација следниот пријателски натпревар ќе го игра во Гевгелија против селекцијата на Венецуела.