Завршува „Битола Шекспир фестивал“
Со претставите „Сонети“ и „Ш“ во изведба на Битолскиот театар, вечер се спушта завесата на најновото издание на „Битола Шекспир фестивал“.
Според Валентин Светозарев и Благој Мицевски, првите луѓе на фестивалот во Битола, годинaшниот „Битола Шекспир фестивал“ беше во знакот на 400 години од смртта на Вилијам Шекспир и бројната публика која ги исполни салите во Битолскиот театар.
- Зад нас оставаме исклучително вреден фестивал кој донесе театарски претстави кои засекогаш ќе останат во театарската меморија. Во Битола гостуваа актери од Израел, Полска, Србија. Посебен интерес кај публиката предизвикаа заедничките претстави на Битолскиот со театрите од Русија и САД, односно музичко-сценскиот перформанс „Шекспир засекогаш“ во кој настапија актери од театарот „Вера Комисаржевскаја“-Санкт Петербург и претставата „Сонети на летната ноќ“, во која заедно со нашите актери настапија и актерите од театарската компанија „Лит Мун“ од Санта Барбара-Калифорнија. Двете претстави ќе бидат прикажани во САД и Русија, потврди директорот на Битолскиот театар Валентин Светозарев.
На денешната прес-конференција беше посочено дека претставите „Сонети“ и „Ш“ од Вилијам Шекспир, во режија на Јован Ристовски и Ангелчо Илиевски, со кои вечер завршува „Битола Шекспир фестивал“, на 31 јули ќе бидат одиграни на фестивалот „Охридско лето“.
Интернационалниот „Битола Шекспир фестивал“ се одржува под покровителство на Министерството за култура, а в година се очекува да биде домаќин и организатор на конференција на Европската асоцијација на Шекспир фестивали.
Ново на Сител
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид
-
Курти за вонредни избори во Косово: Опозицијата да се подготви, ние сме секогаш подготвени
-
Фицо е во тешка животозагрозувачка состојба
-
МОН: Започна печатењето на одобрените учебници од прво до седмо одделение
-
Кривична пријава за полициски службеник за малтретирање во вршење на службата