Нови цени на горивата, поскапе нафтата
Цената на нафтата порасна на денешните берзански тргувања, како последица на падот на вредност на доларот.
Вредноста на американскиот долар четврти ден по ред паѓа во однос на главните конкурентски валути, што ја зголеми побарувачката на суриовини, бидејќи нивната доларската цена ги прави поевтини за корисниците на другите парични единици.
Американската „лесна“ нафта за испорака во јули во електронските тргувања на Њујоршката берза поскапе за 44 центи, односно за 0,92 отсто, дотигнувајќи од 48,42 долари за барел.
Во исто време, северноморската нафта „брент“ за испорака во август, на Берзата во Лондон поскапе за 35 центи (0,71 отсто) на 49,52 долари по барел.
Цената на барел нафта на Лондонската берза минатата недела опадна за 2,7 проценти, додека во Њујорк барел од „црното злато“ поевтини за 2,2 отсто.
Откако цените на нафтата во претходните седум дена достигнаа највисоко ниво оваа година, минатата недела на Лондонската берза тие континуирано се намалуваа, поради стравувањето на инвеститорите од последиците на евентуалниот излез на Велика Британија од ЕУ.
Во бројните анкети пред референдумот на 23 јуни во предност се приврзаниците за излез на Велика Британија од ЕУ, а аналитичарите сметаат дека тоа би можело да доведе до нарушување на финансиските и останатите светски пазари.
Ново на Сител
-
Таравари: Раководство на партијата ќе се обиде да најде заеднички јазик со коалицијата „Вреди“ за локалните избори
-
„Сите имаме повредени или загинати роднини и пријатели, револтирани сме од овој гнил систем“, истакнаа организаторите на протестниот марш во Кочани
-
Царините на Трамп предизвикаа „хаос“, повеќе од 50 земји бараат преговори со Белата куќа
-
Лидерот на најголемата опозициска партија во Турција побара предвремени избори
-
Пронајдено залутано лице кај Мрежичко на Кожуф
-
Одземени десет возила поради предизвикување голема бучава и диви трки во Скопје | ФОТО
-
Изграден нов дел од продолжувањето на булеварот „Видое Смилевски-Бато“ во Тетово
-
Два случаи на семејно насилство пријавени во Скопје