САД бара од НАТО засилување на борбата против ИД

Американскиот министер за одбрана Ештон Картер ги повика денеска сојузниците во НАТО да ја зголемат поддршката на коалицијата предводена од САД, која се бори против Исламската држава, со цел да заврши борбата во Ирак и Сирија и да биде уништи џихадистичката група, јави Танјуг. 

- Посакувам НАТО да направи нешто повеќе, и верувам дека може, за да го забрзаме уништувањето на ИД, истакна Картер пред новинарите по состанокот на министрите за одбрана во Брисел. 

Со оглед на тоа дека ИД е се повеќе во дефанзива и ги губи териториите, Картер нагласи дека НАТО би можел да „пружи значаен придонес“, помагајќи да се зацврсти контролата над териториите кои ги освои коалицијата, додека сириските владини сили ја зголемуваат борбата против ИД. 

Повеќето од 28 земји членки на Алијансата поединечно и придонесуваат на коалицијата која се бори против ИД, но самата Алијанса како организација нема директна улога во кампањата.