Огромна штета од пожарот во работилница во Свети Николе

После пожарот кој се случил ноќта помеѓу 13 и 14 јуни во автомеханичарска работилница „Бацоц“, сопственост на С.П.(1974) од Свети Николе, од извршениот увид констатирано е дека е настанат при експлозија од истекување на пропан бутан гас од демонтирана плинска боца од автомобил, при активирање на компресор кој бил сместен во подрумската просторија.

Од експлозијата комплетно е уништена работилницата, целокупната опрема во неа, оштетено возило на сопственикот како и друго возило „Хјундаи Туксон“, кое било оставено за поправка, а оштетени се и 13 куќи и помошни простории кои се наоѓаат во непосредна близина. Увид извршил ОЈО -Св.Николе, екипа од МВР на РМ и екипа од канцеларијата за кривични работо во Св.Николе.