Ограбена бензинска во Куманово

Во бензинската станица „Авиа оил“ во Куманово околу 2 часот изутрината  е извршена  кражба. Засега непознат сторител маскиран со бела платнена маска и со метален предмет во рацете, најверојатно нож, со закана кон вработениот одзел 16.383 денари и наполнил бензин во туба за 783 денари. 

Крадецот, кој се стекнал со противправна имотна корист од 21.185 денари, го напуштил местото упатувајќи се пеш по патот во правец кон Куманово.

Увид на лице место извршила екипа од СВР-Куманово. Се преземаат мерки за пронаоѓање на лицето.